Athygli er vakin á því að frestur til að senda inn umsókn um vinnustofudvöl í Clermont Ferrand í Frakklandi hefur verið framlengdur til og með sunnudagsins 12. maí 2024. Hér er á ferðinni einstakt tækifæri til að dýpka á eigin listsköpun. Listamanneskja fær greiddan dvalarstyrk, ferðakostnaður er dekkaður og dvölin er kostnaðarlaus. Áherslan er á rannsóknarvinnu listamannsins án þess að krafist sé einhvers konar sýningar eða lokaafraksturs (þó það séu að sjálfsögðu möguleikar á því líka).

Um er að ræða 6 vikna vinnustofudvöl hjá Artistes én Résidence í Clermond Ferrand, Frakklandi, með gistiaðstöðu, aðgang að vinnustofu, styrk fyrir uppihaldi og faglegum stuðningi frá starfsmönnum AR. Nýlistasafnið leggur listamanninum lið við að sækja um ferðastyrki ef þess er þörf. 

(NÝR) frestur til að sækja um:

12. maí 2024 kl. 23:59 að íslenskum tíma

Sótt er um í gegnum heimasíðu Artistes en Résidence með því að smella hér. Athugið að eingöngu listamenn með búsetu á Íslandi geta sótt um. 

Dvalartími

Áætlaður dvalartími listamanns frá Íslandi í Clermont-Ferrand er frá 13.01. til 28.02.2025. 

Nánari upplýsingar eru að finna með því að smella hér.