Sjónritið Rafskinna (tímarit á DVD myddiski), hið fyrsta sinnar tegundar á Íslandi, kemur út laugardaginn 30. júní. Í tilefni þess verður haldið útgáfuhóf í bakgarði veitingarstaðarins Sirkus á Klapparstíg. Hófið hefst kl.18. Hljómsveitirnar Retro  Stefson & FM Belfast stíga á svíð og DJ Gísli Galdur þeytir skífum. Boðið verður upp á léttar veitingar og þar sem fiskur er þema sjónritsins að þessu sinni mun veitingaþjónustan Borðið sjá um að útbúa nýstárlegan fiskrétt handa gestum 
úti í sólinni. Inni í myrkrinu fær svo Rafskinna að láta ljós sitt skína.

Rafskinna mun koma út fjórum sinnum á ári og verða meginefnistök tímaritsins íslensk samtímalist og menning með áherslu á 
grasrótina. Rafskinnu er ætlað að vera nýr vettvangur til birtingar á sjónrænni list af ýmsum toga s.s. stutt- og 
heimildamyndum, tónlistamyndböndum, myndlist, teiknimyndum, hönnun,  tónleikaupptökum ofl. en þennan vettvang  hefur hingað til 
sárvantað í menningar- og listaflóruna á Íslandi. Auk þess sinnir Rafskinna umfjöllun um sjónrænar listir í formi viðtala við listamenn, gerð stuttra heimildarmynda og prentaðra greina.

Huginn og Unnar tóku til í geymslum safnsins, bakvið skrifstofuna, og sköpuðu fyrsta vísi að Nylo Laboratarium eða rannskóknarstofu fyrir safneign safnsins. Mikið af drasli var hent. Einum skó, sokkum,brotnum römmum, gleri, spýtum, gömlu borði, ýmsum plakötum, tómum kössum, pappír, plasti, efnisbútum,gömlum bæklingum sem til voru í stóru upplagi (það sama á við plakötin), ónýtum tækjum og ýmsu fleiru. Huginn, Unnar og Nína reyndu að finna símann hjá Magnúsi Páls en fundu hann ekki.
Opið var til níu í kvöld, engin gestur kom en Hafsteinn Gunnar, góðvinur safnins, mætti og fékk sér kaffi í vínglasi. Hafsteinn tjékkar á vini sínum til að hafa upp á símanúmeri Magnúsar. Gengið er í málið.....

Norræna húsið býður hér með listamönnum sem búa á Íslandi að sýna vídeóverk á listahátíðinni Reyfi í ágúst næstkomandi. Okkur langar til að sýna það helsta í íslenskri vídeólist eitt kvöldið og ætlunin er að það verði fimmtudagskvöldið 23. ágúst í sýningarsal Norræna hússins. Við förum þess jafnframt á leit við þá sem sýna verk sín að þeir séu tilbúnir að kynna þau fyrir sýningu og e.t.v. svara fyrirspurnum eftir sýningu. Með þessu er ætlunin að beina kastljósinu að íslenskri samtímalist. Vinsamlega sendið verkin á dvd, merkt: Norræna húsið, Sturlugötu 5, 101 Reykjavík; fyrir 20. júlí. Verk, sem verða valin af dómnefnd verða sýnd á hátíðinni - ekki bara 23. ágúst. Einnig óskar Norræna húsið eftir performönsum á hátíðina 18-26 ágúst. Staðsetning: Á lóð Norræna hússins. Vinsamlega sendið tillögur fyrir 20. júlí. Frekari upplýsingar gefur Ellen Marie Fodstad í síma 551 7089 eða á netfangið [email protected]

Kæru félagar

Næsta Listahátíð verður tileinkuð myndlist. Á vef hátíðarinnar kemur fram að tekið verði við hugmyndum á viðburðum til 1. júlí næstkomandi!! Vildum bara láta alla vita.....ef góðar hugmyndir brenna í kollinum, þá er mjög mikilvægt að koma þeim áleiðis... (nú eða ekki....) Inná vef listahátíðar (www.listahatid.is) má finna
litla tilkynningu um þetta. Farið er inná upphafssíðuna og svo smellt á "Skrifstofan"......Allar hugmyndir ber að senda á listrænan stjórnanda Liatahátíðar á netfangið [email protected].