Nýlistasafnið - The Living Art Museum

fimmtudagur, 30. apr 10:31

Svíarnir eru mættir. Þau eru þó ekki öll svíar, því ein er brezk. Hún Ólífa. Þau komu á mánudaginn og voru fljót að stimpla sig inn. Karlotta náði í þau á BSÍ og bauð hún liðinu uppá kjamma og kók. Ólífu fannst það frekar brútal, sérstaklega þegar Karlotta útskýrði að hausarnir eru sviðnir með logsuðutæki á bestu bæjunum. Brunabragðið sat lengi í munninum á Ólífu. Rófustappan vakti mun meiri lukku. Veltu þau fyrir sér hvernig væri að húða eitt hlass af stöppu með sykurbráð og svíða með logsuðutæki. Með fullum loga til að fá brakandi skorpu. Nýlistasafnið tók þeim með opnum örmum og fóru næstu tveir dagar í stíf fundarhöld þar sem sýningin var lögð á ráðin og skipulögð í þaula. Óli B er barinn áfram í að breyta heimasíðu safnsins. Ímyndinni. Safnið verður endurskýrt og mun Ylva (svíi) útskýra þær hugmyndir í fyrirlestri á föstudaginn klukkan átta og verða svo með formlega seremóniu á opnuninni daginn eftir þar sem nýju ímyndinni verður hleypt af stokkunum. Runo (svíi) mun sýna í geymslunni og hefur farið mikill tími hjá honum að runta draslinu til þar inni. Bókverkunum og gömlum syndum félagsmanna, leifum af ýmsu smíðadóti og eins illmeðfærilegum verkum sem stjórnin lagði aldrei í að koma fram. Ólífa kom með ýmislegt með sér, þar á meðal nýja útgáfu af vídjóverki þar sem hún fjallar um sértæka klíkustarfsemi í Bretlandi uppúr 1930. Tekur hún fyrir hálfgert Ungmennafélag og költ sem á skömmum tíma penetreruðu hugmyndum sínum og áhrifum inní brezka hagkerfið og efnahagsstjórnun. Mjög athyglivert. Bæði Runo og Olivia munu ræða verk sín og hugmyndir á föstudagskvöld. Runo ætlar að fjalla sérstaklega um vandamál Argentínu kringum 2004 þegar að efnahagskerfi þeirra hrundi. Olivia ætlar að ræða áðurnefnda klíkustarfssemi eða þrýtsihóp og mun jafnvel klæða sig upp sem Hróa Hött. Á milli funda rifu Andrea, Nína, Unnar (sem vaknar blýsperrtur fyrir aldur fram) og Karlotta upp ruslapoka, tuskur, andlitsgrímur og pensla. Tóku til og máluðu rauðvínsveggin/baby bláa drauminn (langa vegginn) fílabeinshvítan. Ylva mun gera risastóra og viðbjóðslega kolateikningu á vegginn. Fresku. Beinagrindafresku. 12 metra langa. Kannski að (ó)freskan verði permanent verk í safninu út árið. Unnar og Karlotta eru búin að draga liðið útum allt þegar að færi gefst. Runo og Ylva hafa komið áður en Ólífa er í sinni jómfrúarferð. Þau eru búin að fara í Vesturbæjalaugina, sjá margæsirnar í Gróttu, fara í heimsókn til Steingríms, borða hjá Núma á Segúrmó, missa móðinn á sýningu Óla E, pæla svo í því hvort að Karamba og Bar bara væru hluti af Limbolandi, dást að naívistanum Kjarval á Holtinu, skoða Alþingishúsið og gleyma sér við fossinn inní höfuðstöðvum Kaupþings.

Samstarfssvíarnir mættir

miðvikudagur, 29. apr 13:55

FRÁ A-Ö

fimmtudagur, 16. apr 16:41

Dagurinn var roslegur á Nýló. Andrea, Nína og Ámi fóru í roadtrip til þess að bjarga 30.000 ára bókinni. Þau byrjuðu hjá Kristjáni pappírsgúru. Þar var tekið vel á móti þeim, Kiddi bauð upp á kaffi og kleinur og rifjaði upp góða daga á Vatnsstígnum í gamla daga. Hann og Nína lentu á bullandi trúnó en Kiddi og Árni frændi hennar Nínu voru best buddies í gamla daga. Þeir áttu góðar stundir á Eiðum back in the seventies þar sem þeir máluðu alla sköpunarsöguna frá A-Ö. Andrea og Nína voru rosa hrifnar af Munken Print pappírnum sem Ámi hafði valið og handfjötluðu hann eins og sannir pappírs-perrar. Kiddi lofaði góðum díl og ætlar að senda formlegt tilboð á liðið í næstu viku. Því næst var stoppað á KFC en Nína varð að fá einn ristaðan twister, skúbbuðu þau nokkrum í sig og héldu svo á fund með Ásgeiri í Bókavirkinu. Ásgeir var ekkert alltof glaður að sjá þau, en hann hefur mikið að gera þessa daganna. Hann náði í bláan pappír og tölvu, Andrea hélt að hann ætlaði að ná í laptop en talvan var lítil reiknivél. Þar reiknaði Ásgeir fram og til baka þungbúinn á svipinn, allskyns tölur birtust á bláa blaðinu, hann sagði við Áma að það væri algert rugl að hafa kápuna í nokkrum lögum það væri svífirðilega dýrt og voru allir farnir að svitna eins og geltir. Andrea greip frammí fyrir Ásgeiri þegar hann var alveg að verða búin að setja saman tilboðið og var hann ekki ánægður með það. Loks komu lokatölurnar, Andrea bjóst við u.þ.b 2.000.000 eftir alla þessa útreikninga en með öllu var þetta ekki meira en 200.000 kall... Stakk Ásgeir líka upp á því að til þess að lækka þennan rosalega kostnað myndi Andrea koma og vinna hjá honum (hún hafði kastað því að Ásgeiri að hún hafði unnið í bókbandi eitt sumarið kringum 1990). Henni leist ekkert á blikuna en þá kom í ljós að Geiri var að tala um tveggja tíma vinnu til þess að spara 10.000 kall. Hann minntist líka á að þessi vinna sem hann vildi fá Andreu í væri hundleiðinleg og væru bækurnar yfirleitt sendar í kvennafangelsið þar sem fangarnir ynnu þessa vinnu. Stakk þá Nína upp á því að Andrea fær inn í kvennafangelsið í einn mánuð og myndi vinna bókband á 30.000 ára bókina frá A-Ö sem sitt framlag í ritsjórn. Geiri hafði líka miklar áhyggjur af tímasetningunni en Bókavirkið er að fara að flytja í haust og bauð þá formaðurinn honum að flytja í Nýló meðan á vinnslu bókarinnar stendur. Eftir ferðina var Andrea í losti en mikið var rætt um gósentíð í bókaútgáfu í vor: Listasögu þjóðarinnar, Nýló uppflettirit, 50 bestu og sjálfsævisaga Unnars, þetta verður rosalegt.

Nýló Masterklasse

miðvikudagur, 15. apr 17:25

Andrea opnaði í morgunn á réttum tíma, skellti í sig nokkrum hressandi og hafði samband við samstarfsvíann Ylvu og rakti úr henni garninar varðandi uppvakningahugmyndir hennar. Óli Breiðfjörð ætlar að breyta vefsíðunni og fleira til að koma á móts við hugmyndir hennar. Stjórnin er hvort sem er orðinn hundleið á síðunni og fílar agresssjónina í uppvakningnum. Andrea hringdi svo í G.Unnar og bað hann um að pikka upp góðan skjávarpa í New York og troða honum ofan í tösku. Svo tók Andrea á móti Maltstæðunum sem biðu í hrönnum á bílastæðinu og stútfyllti lilta kælinn inná Hangsi. Jóhanna Páls hjá Íslenska Dansflokknum er mikið í mun að félagsmenn Nýlistasafnsins fjölmenni á einstakan kísilviðburð þeirra Gabríelu og Ernu Ómars og áframsendi Andrea því auglýsinguna útum allar trissur. Formaðurinn ætlar að mæta og var Unnar gríðarlega spenntur að stjórnin bóki miða. Dansi svo sumarið heim í gufunni en veturinn út. Andrea fann rosalega mynd af gömlum samstarfssvía á Netinu og sendi myndina á stjórnina. Þar sést Kalli Holmqvist með hár niðrá rass í jogginggalla og minnir helvíti mikið á Bob í Twin Peaks eða sækó jógakennara frá LA. Hildur sinnir rannsóknarverkefni sínu um starfsemi Nýló á fullu þessa dagana og lítur vart uppúr tölvunni. Nema þó rétt til að liðsinna Formanninum við skrá síðustu bókverkin. Karlotta droppaði við og ræddi við stjórnina um framtíð sína og safnsins á komandi misserum. Andrea vill hætta í stjórn með hvelli og hafa skeytasendingar Steingríms frá Beuys-Akademíunni kveikt óstjórnlegt bál í hjarta hennar. Rak Andrea svo logandi eldspýturnar í Huginn, Formanninn og Karlottu og voru allskyns útfærslur og möguleikar reifaðir varðandi Akademíuna. Masterklasse jafnvel, til eins eða tveggja intensífra anna. Til eins skólaárs. Fjórir kúrsar á önn sem taka á grunneiningum myndlistarinnar. Undirstöðunum og klassíkinni. Styrkja þær en beygja í sömu andrá. Skerpa þær. Gera einingarnar flugbeittar. Andrea vill að unninn sé myndlist í safninu og að það breytist í alvöru verksmiðju, alvöru vinnuaðstöðu. Karlotta og Huginn minntust tilrauna Anton Vidokle, sýningarstjóra Manifesta, um árið sem runnu á rassgatið og fóru í vaskinn. Skólastofan á Kýpur. Hann náði þó áð útfæra einhverskonar off-shoot af þeim pælingum sem Night School fyrir tveim árið. Opin kennsla í fyrirlestraformi. Formaðurinn kynntist annari útfærslu með manni sínum á Kúbu í fyrra. Þar leiðir myndlistarkona hálfgerða akademíu þar sem starfandi myndlistarmenn geta tekið þátt í projekt oríenteruðum worksjoppum undir "leiðsögn". Christoph var fenginn í það í fyrra og fékk Nína stjörnur í augun að hugsa um það. Minnti svo Nína á að nú ert margt líkt með Íslandi og Kúbu. Enginn kemst út. Huginn missti móðinn og fór að gráta.

Nýtt Nýló

þriðjudagur, 14. apr 16:52

Þá er Nýló komið á fullt skrið eftir alltof langt páskafrí, að mati sumra. Andrea mætti eldsnemma og byrjaði á því að spúla safnið, vökva blómin og rífa teipið af veggnum sem Nína málaði fyrir páska. Síðan hóf hún yfirlestur e-meila og mældi sér mót við nokkra góða með formanninum og Áma hönnuði 30.000 ára sögu safnsins, m.a bókbindarann Ásgeir og pappírsgúrúinn Kristján. Formaðurinn mætti með bros á vör og tók Andreu á gott trúnó inni á hangsi, það sem þar fór fram er ekki hægt að tala um að svo stöddu, en fagnaðarlætin voru mikil..Karlotta kom líka með risabros á vör, aldrei litið betur út, fyrst reyndi hún að labba framhjá Nýló eins og það væri ekki til, en sogaðist inn í gleðiholuna að lokum. Skellti hún í góða fréttatilkynningu fyrir Séð og Heyrt kvöldið næsta fimmtudag og hljóp út að skoða mótmælin við hústökufólkið á Vatnsstignum. Þar inni sá hún einmitt Huginn sem ekkert hefur mætt í dag. Hann sendi Andreu stuttan póst og lét hana vita að hann væri í "vinnunni" og minnti hana á stórkostlegan viðburð sem mun eiga sér stað í Bláa Lóninu á sumardaginn fyrst en það fer alveg að verða uppselt á hann. Þar munu heimsþekktir listamenn maka sig út í kísil úr lóninnu og fara með gjörninga eftir pöntunum lónsgesta. Hildur kom líka og byrjaði á fullu að leita að nokkrum Rósku verkum sem Listasaga þjóðarinnar er ólm að leyta sér að fyrir bókina sína. Safnið á þó ekki nema eitt af þessum verkum, en á nokkur mikil betri sem Listasagan hin eina vill ekki sjá. Andrea er æst í að breyta Nýló í akademíu ala Joseph Buys en Eyfjörðinn sendi á hana myndir sem sýna hvernig þetta allt mun líta út. Steingrímur verður deildarforseti og yrði módelteikning og mótun brjóstmynda daglegt brauð á safninu í haust. Andrea reyndi að hafa upp á G.Unnari en það hefur ekkert heyrst frá honum í marga mánuði og var Andrea mjög hrædd um að hann hefði sogast inn í þriðji víddina. Kom þá í ljós að hann er í Kína að skera út mósaík fyrir vitaverkið sitt á listahátíð þar sem hann mun þekja Digranesvita með flísum í allskyns litum, von er á honum til landsins með herlegheitin í næstu viku.

Páski

föstudagur, 3. apr 10:57

Nýlóvika hefur verið nokkuð góð. Síðasta Á hverfanda Hveli kvöldið var á þriðjudaginn og æstust ungir leikarar mikið inni í græna herberginu og breyttu silkiþrykktu borðunum frá Borðinu ehf í umræðupalla, var Borðið ehf bara sátt við það og má Nýló nýta þessi fallegu borð eins og það vill. Því miður þurfti að fresta Júkatan kvöldinu, en trommarinn Gulli hafði víst fengið svo rosalega í magann að hann treyssti sér einfaldlega ekki til að mæta og er Júkatan gersamlega lost án hans. Því verða æstir aðdáendur sveitarinnar að bíða þangað til eftir Páski til að sjá herlegheitin. Formaðurinn fékk gríðarstórt verkefni í vikunni og er hún búin að skrá u.þ.b 300 bókverk eftir ströngum reglum Óla Varðar. Nína blótar komu tölvutækninnar mikið og finnst leiðinelgt hvað bókverkin verða ljót í kringum 1990. Andrea prentaði út besta og mest yfirlesna texta í sögu safnsins út og hengdi uppvið anddyrið, þar er farið yfir starfsemi og dagskrá ársins og hvetjum við félagsemenn til þess að kíkja við og berja dýrðina augum. Félagsmenn safnsins hafa ekkert sett út á þá tillögu stjórnarinnar að fresta aðalfundi safnsins fram á haust, en Andrea hafði búsit við miklum mótmælum ala Peter Jensen og brjálaðir grænlendingar ( http://www.shoewawa.com/2009/03/peter_jensens_f.html). Andrea talaði líka heillengi bæði við Ásgeir hjá Bókavirki og Kristján hjá Gunnari Eggertssyni og er búin að bóka fundi með þeim kollegum eftir páski þar sem Nína mun sveifla hárinu og höstla pappír og bókband fyrir 30.000 ára sögu safnsins. Huginn vill ekki gera neitt nema drekka bjór og slúðra þessa daganna og heldur Karlotta að hann hafi fengið vægt heilablóðfall eftir sýna og sjá kvöldið með Kolrössunum. Lotta kom fersk og sælleg heim frá Sverige þar sem risatór kúrator ætlar að kaupa stórfenglegt útskriftarverk hennar á mörg hunduð dollara, eina vandamálið er að Lotta er búin að henda verkinu í maníukasti (stjórnin er skíthrædd um að Lotta muni henda allri eigninni í sumar) og þarf því að skella í nýtt. Búið er að panta miða fyrir þríeykið Ylvu-Runo-Oliviu og býst stjórnin við stórkostlegri sýningu hér inni á safninu í bytjun mai en mun sú sýning verða upphafið að mjög fasískri myndlistaráherslu í sumar og fram á haust þar sem þverfaglegum áherslum verður fleygt á dyr eins og blautum hundi. Fundað var með Kidda Harðar sem mun koma sterkur inn með haustinu en Steingrímur E-pilla nennir ekki að vinna inn í strútkúrinn á safninu en vill skipuleggja allskyns kvöld með viðfangsefnum sem honum finnast spennandi eins og arabar og heimildamyndagerð á mið-austurlöndum. Stjórnin gladdist mikið yfir apríl gabbi Snozzo og buðu þau honum að vera með skrifstofu Dymano Models á Nyló í sumar. Birtiser á fullu við að setja upp stórsýningu í Hafnarborg og grátbað Andreu um að fá Michael Yong bekkina lánaða og grét mikið yfir því að geta ekki sinnt Nýló barninu sínu eins og foreldri með fullt forræði. Safnið fer nú í langt-páski frí og óskar stjórnin landsmönnum öllum gleði og friðar yfir Páski.