Nýlistasafnið - The Living Art Museum

föstudagur, 29. maí 17:26

Karlotta hefur opnað mjög snemma seinustu daga en ekki í dag. Unnar var fyrstur eftir að hafa ekki getað sofið vegna martraða. Unnar var búinn að róa sig niður um 10 leytið þegar liðið rúllaði inn en var frekar uppstökkur fram eftir degi sem náði hámarki á ritstjórnarfundi um þrjú leytið. Unnar getur ekki setið fundi lengur og stífnar allur upp. Birta þurfti að nudda Unnar smá eftir fundinn og var hann sendur í brotsjóinn í Gróttu með Ása og Karlottu. Fundur var annars afar gjöfull. Ákveðið var að vinna betur í skrá yfir viðburði Nýló, farið var yfir greinar úr dagblöðum til þýðingar, rædd um ýmissa viðauka, tjékkað á Shaunu til að þýða og Karlotta og Nína ætla að fara yfir partímyndirnar sem Birta ætlar að skanna eins og eldurinn í sumar. Í hádeginu var kveðjupartí fyrir Lizzie Lærling en snýr hún aftur til Connecticut til vinnu í Safnasafninu þar. Karlotta keypti sushi og var alveg heilluð af bleikum og súrsuðum næpum sem fylgdu með. Nína keypti rice krispies köku í eftirrétt (í forrétt fyrir sig) og var sannkölluð sumargleði í Hangsinu. Dísa, Elín, Halblaub, Yvonne og Lizzie héldu svo áfram að vinna í þrívíðuverkunum sem tekin voru út í gær. Græni Pallurinn er nú sneisafullur af verkum og hefur salurinn breyst í rosa fabrikku eftir tilfæringarnar í gær. Í dag fóru þær td yfir Earthquake, Growing sculpture eftir Guðrúnu Þorkels, pisspottinn hans Ása frá 2002 og H20 eftir Óla Lár. Unnar leitaði mikið að samnefndum katalóg og ýmsu bréfsefni tengdu sýningunni. Unnar var viss um að verkið var gert í tilefni þeirrar sýningar. Skráningin er kominn langt fram úr áætlun og eru nú 900 verk í eigu safnsins fullskráð. Ekkert heyrist í Andreu við saumastörfin sín en nú styttist óðfluga í opnun Tískutvíæringsins. Huginn skyldi ekkert afhverju lítið væri fjallað um hann í íslenskum fjölmiðlum. Majonessa von Hamborg sendi boðsmiða á frumsýningu óperu eftir Certih Wyn Evans og Florian Hecker í Feneyjum og ætlar Birta sð skella sér fyrir Nýló hönd. Birta mun heldur betur skanna svæðið, fara um eins og sinubruni. Aðrir stjórnarmeðlimir eru frekar óhressir með að komast ekki sjálfir. Nína er bomm og busy, Huginn á engann pening (þó hann eigi boðsmiða á bíennalinn fyrir tvo) og ekki Karlotta heldur, Andrea hefur öðrum bíennölum að hneppa, Tinna með báðar hendur fullar en Unnari finnst þetta ekkert skemmtilegt.

Sniðið eftir stakki

föstudagur, 29. maí 11:43

Miklar framfarir hafa gerst innan veggja Nýló að undanförnu. Hildur, Elín og Dísa hafa ásamt lærlingunum stórkostlegu þeim Yvonne og Lizzie náðu að klára skrásetningu nýja málverksins, hin óhefta en kyrfilega upprúlluðu list, hot stöff. Pantaðar voru 38 hitavatnsrör, þau söguð til í miklum samvinnuham og öllu rúllað aftur inn í hólkana. Nína skráir og skráir bókverk en spyr sig í örvingluð um leið hvað sé bókverk, Unnar segir henni að hætta þessu væli og skrá þetta allt bara sém bókverk, líka það sem ljótt. Hún er sífellt að uppgötva nýja hluti í bók(verk)um sem nú er oriðið að stærsta safn bókverka á Norðurlöndunum. Karlotta (formally known as Andrea) er að ná tökum á starfinu og vonandi fleiru en hún er á 3 mánaða reynslutíma. Hún íhugar stöðu sína. Huginn er að hætta í bókasafnsvinnunni núna um mánaðarmótin og er allur ringlaður en finnur til mikils léttis og ætlar að stefna hátt á listamannalaununum með boðsmiða á Feneyjarbíennalinn valido per due persone í vasanum. Fyrir utan eru hópur af smiðum að bera efni í nýuppgerða svítu BDSM klúbbsins sem hefur aðsetur sitt í portinu. Aðgangsorðið þangað er Sjóstakkur eða eitthvert orð með öllum þessum stöfum í.

Húfa í sólinni

miðvikudagur, 20. maí 09:24

Unnar er mættur aftur úr vitanum. Staðarskála eins og hann endurskírði Dalartangavita af tilefninu. Unnar var syngjandi glaður eftir sannkallaður Spirkklur; kjöt í karrí, kræklinga, pönnsur og sauðburð. Sauðburðurinn framkallaði mikla endurfæðingu í hjarta Unnars og hefur hann sjaldan eða aldrei litið betur út. Opnunin tókst vonum framar og fjölmenntu Austfirðingar útí vitann. Mikið var rætt um pólítík og málefni sveitarinnar. Unnar spennti menningarmálafulltrúann upp eins og boga enda ekki rætt um annað hjá ríki og borg en blómstrandi listir og menningu, grasrótarstarf og vaxtarbrodda. Hið opinbera hefur hótað mígleku fjárstreymi til að hressa landann við í myglunni (bjargi lífinu) og hefur nú í fyrsta skipti í allavega 18 ár, hugtakinu menningarstefna skotið upp kollinum í opinberri umræðu. Spurning hvort meint menningarstefna sé ekki nú þegar að rúlla annarsvegar undir rassinn á Tónlistarhúsinu og hinsvegar felist hún í að flytja inn allskyns trúða frá öðrum heimsálfum? Bestu hugmyndirnar fæðast hinsvegar úti á landi þar sem sveitarfélögin hafa fyrir löngu, illu heilli, velt steinum í endurskipulagninu og áherslubreytingum í atvinnumálum sínum og ímyndarvinnu með vísun td í menningu. Ræddu þau Unnar allskyns hugmyndir og sumpart í tengslum við Listahátíðina sem Vitabruninn var hluti af. Nína hlustaði af athygli á sögurnar frá Unnari og ræddu þau heillengi um fjórðunginn yfir texmex og frönskum á Karamba í hádeginu. Huginn og Karlotta runnu inn og út úr samræðunum eins og Strange Fruit liðið á kokkteilpinnunum á opnun Listahátíðar á föstudaginn. Fram og til baka. Nína var ánægð með fröllurnar og óskaði sér að geta fengið sér bjór með. Karlotta þurfti að setja á sig húfu og rennadökkri peysunni uppí háls í sólinni. Hún fer illa í Lottu og brennir. Andrea var ekkert í dag en hringdi þó til að breyta nokkrum ákvæðum í Dummy guide fyrir skirfstofu Nýdauðasafnsins. Nýju Lærlingarnir voru hressir í dag eins og í gær, enda nýja brumið ekki farið af starfinu. Þá þarf að hamra járnið meðan það er heitt og þræla þeim út meðan þær eru brosandi ennþá. Huginn fékk vægt heilablóðfall í enda dags yfir skipulagsörðuleikunum í kringum Sýna og sjá. Hvítnaði allur og hringdi í Óla Björn og grátbað þá Yúkatanstráka að gera þetta bara. Láta slag standa.

Babyhead

mánudagur, 18. maí 16:52

Tveir nýjir lærlingar komu í morgunn, Yvonne frá Arnheim og Lizzy frá USA. Þær voru rosa spenntar og voru settar beint í að pakka Nýja Málverkinu sem Dísa, Elín og Hildur Halblaub eru búnar að vera að massa í græna herberginu seinustu 8 daga. Rúllurnar renna út eins og heitar lummur, sérpakkaðar í átta tegundir af sýrufríum, ofan í risastóra svarta "punga" eins og Nína kaus að kalla hólkana. Á morgun mun skráningarteymið ráðast í málverk á blindrömmum. Þau eru mýmörg og sum risastór (sem er í takt við hugmyndir og heimssýn ungra listamanna við upphaf feril síns). Andrea er vant við látin þessa dagana en er á neyðarlínunni fyrir Karlottu. Andrea er að þjálfa Lottu uppí starfið sitt fyrir sumarið og er búin að gera lítinn en hryllilega ítarlegan starfsbækling undir heitinu Dummy-guide fyrir skirfstofu Nýdauðasafnsins (eins og safnið heitir þessa dagana). Vonast er til að guide-inn verði permanent þjálfunarbæklingur fyrir starfsmenn safnsins. Framundan er próf hjá Lottu. Verkefnið snýr að því hvort starfsmaður geti rekið skrifstofuna í fjarveru Andreu. Skrifstofan breyttist reyndar í skrifstofu Sjónauka í morgunn þar sem Anna Júlía prentaði og prentaði reikninga blaðsins á kostnað Nýdó. Andrea spurði A.J hvort i8 væru með þjálfunarbækling fyrir sína starfsmenn. Þeir eru sex hjá galleríinu á bullandi launum en ekkert selst. Nema hugsanlega afturendinn á Ragga Kjartans. Sumarstemmingin náði hámarki í hádeginu þegar stelpurnar brutu brunahana og böðuðu sig frjálslega á planinu með hólkana. Hildur og Yvonne brunnu eins og eldsmiðjupizzur og þruftu Dísa og Elín að maka á þær aloe vera. Tinnu sást bregða fyrir í látunum en lét það eiga sig að taka þátt. Unnar er horfinn og eru áhyggjur uppi um að vitaævintýrið hafi gengið of langt. Að Unnar hafi brunnið inni. Ekkert símasamband er fyrir austan og hafa hundruðir smsa frá Huginn ekki skilað sér. Andrea húðskammaði Útúrdúr í dag fyrir slæma mætingu á laugardögum og lofaði Pétur að hysja upp um brækurnar á sér og sínum. Huginn kom og skrifaði text um þátttöku Andreu í Fashion Bíennale í Arnheim og var mikið talað um undarlega setningu Listarhátíðar í Reykjavík. Andrea leyfði Huginn og Nínu að lykta af nýjasta ilmvatninu sínu "White Angel/Babyhead". Huginn fór að gráta og Nína hugsaði um ófætt barn sitt. Sýna og sjá er í smá pásu eftir samlokuna með Á túr og Curver, sælla minniga. Það er vegna skipulagsörðugleika en hafa tilvonandi þátttakendur haft mismikinn tíma til að grafa upp stöffið sitt og skipuleggja sig. Það hefur dregið úr keyrslunni en von er á áframhaldandi fjöri á komandi vikum. Yrsa Roca þurfti smá áfallarhjálp eftir að einugis ein manneskja mætti á heimildarmyndakvöld hennar seinasta föstudag. Yrsa heldur þó ótrauð áfram með fulltingi stjórnarinnar og mun sýna tvær myndir á miðvikudaginn kemur. Yrsa hefur í nógu að snuast þessa daga en hún eltir hú móður sína á röndum með sony-vélina. Mamman er veflistakona sem missti áhugan á listinni eftir að hún fluttist til Svíþjóðar back in the seventies en hefur tekið ullina aftur í sátt og spinnur þétta vefi inní framtíðina á milljón. Í eftirmiðdaginn kom Eagle í heimsókn, ferskur frá Brasilíu. Hann fékk ekki svínaflensuna (ólíkt góðvinkonu safnsins frá Miðstöð munnlegra maka) en skartaði nýrri klippingu. Huginn fannst Egill hafa toppað sig í hárinu og var ægilega ánægður. Egill tilkynnti safninu að hann væri í fríi á landinu fram í byrjun júní og sem félagsmaður bauð fram krafta sína. Maggi Jens var með Agli í för og bauð Huginn honum að taka þátt í Séð og heyrt og taka fyrir INRI. Maggi var sko til í tuskið en þarf að vinna nokkra mánuði í rannsóknarvinnu og uppgröft þar sem efni um bandið liggur milli margra laga.

Safneignarvinnan komin á fulltu skið

mánudagur, 18. maí 11:43

bylting

þriðjudagur, 12. maí 11:04

Svíarnir og einn breti eru komin og farin. Þau stóðu sig með eindæmum vel og settu upp glæsilega sýningu sem mun standa uppi fram á sumar. Mjög illa var mætt á bæði fyrirlestra þeirra og opnunina og heldur stjórnin að listamenn og félgsmenn telji safnið vera dautt, enda heitir það núna The Living Dead Museum. Heyrst hefur að hópur sem kallar sig Björgum Nýló sé nú að funda í hverri viku á ónefndri skrifstofu í Hafnarstrætinu og er þessi hópur að skipuleggja byltingu gegn núverandi stjórn á aðalfundinum í haust en þá mun formaðurinn okkar Ninski sem er boom eftir sjöunda besta listamann í heimi flytja til portúgal með alla fjölskylduna. Hver verður næsti formður Nýló er því spurningin sem er á allra vörum og er Björgum Nýló hópurinn með nokkra sterka kandídata í veskinu. Aðal áhyggju efni hópsins er að nýútskrifaðir kiðlingar úr listasakólanum hafi ekki í nein hús að vernda eftir útskrift og er makmið hópsins að halda minnst 8-10 samsýningar með 15-20 listamönnum á ári. Þannig getur unga kynslóðin blómstrað og er mikill hugur í mönnum að fara í samstarf við CIA um að wheela inn á sýningarnar mikilvægun kúratorum sem munun velja sér nokkra unga og efnilega og gera þá að stjörnum ala Raggi Kjartans okkar bienalfari. Ninski og herinn hennar af skráningarstúlkum og nokkrum erlendum lærlingum munu því sitja sveittar við að klára að skrá safneignina og koma henni fyrir á öruggum stað áður en byltingin hefst. Andrea og Huginn munu hinsvegar vera á bullandi listamannlaunum í sumar og skapa kúnst fyrir andargiftina. G.Unnar verður flúinn land eftir að hann kveikir í einum vita á listahátið en Lotta okkar og Birta koma sterkar inn í sumar og taka við sem Andrea og Huginn en þau ætla meira að segja að lána þem nokkrar flíkur úr fataskápnmunum þeirra, Lotta fær $500 kork skó frá Maison Martina Margiela og Birta kokkabuxur og glæsilega afrískan jakka , þannig mun andi þeirra hvíla yfir vötnum í sumar. Heimildamyndadrottningin Yrsa byrjaði séríuna sína síðasta föstudag og olli myndin miklum og sterkum viðbrögðum áhorfenda. Kvöldin munu halda áfram í maí og hvetjum við félagsemnn til þess að láta sjá sig.

FYRIRLESTRAR NOTES FROM THE LIVING DEAD MUSEUM

laugardagur, 2. maí 15:10