Á þriðjudaginn var var haldinn aðalfundur og kosin ný stjórn. Fundurinn var vel sóttur og gekk vel, umræður skemmtilegar og allmennt jákvæður. Sumir höfðu eðlilega tekið þessu bloggi bókstaflega og bjuggust við bjór og snakki en fundu fyrir bónuskleinur og verkamannakaffi en þeir bloggtímar eru liðnir og nú verður einungis sagt frá staðreyndum. Nína var kvödd með virktum og Andrea líka, mikið klappað og nokkur tár sáust falla í tilfinningaumrótinu enda miklar breytingar framundan og stórkostleg afrek að baki. Nýja stjórn skipa: Birta Guðjónsdóttir formaður, Tinna Guðmundsdóttir framkvæmdastjóri, Páll Haukur Björnsson, Gunnar Már Pétursson og Gunnhildur Hauksdóttir í aðalstjórn en áfram sitja þau Huginn Þór Arason, Unnar Örn og Karlotta Blöndal á varamannabekknum. Það er ljóst að það eru mörg spennandi verkefni framundan og heldur betur björt framtíðin í höndum nýrra stjórnarliða.

Nína, Huginn og Karlotta skelltu sér í bíltúr í myndlistarvölundarhús þeirra Hafnfirðinga, Hafnarborg, þar sem Hafið er útgangspunktur sýningarinnar. Eftir mikið vagg og veltu upp á dekki og niðrí káetu, sjóveiki, almenna ringulreið og leit að sjóndeildarhring ultu þau út glorhungruð og brunuðu beint á Tíuna á Grensásveginum í pekingönd og kók þar sem ræddir voru gamlir tímar, vöðvaslakandi barnauppeldi, nýjir tímar og misskiling ýmiskonar. Þegar heim kom í bæinn voru Birta og Ámi hress og kát við vinnu sína en 30 milljón dala saga Nýló kemur út von bráðar. Nokkrir fundir voru haldnir inná hangsi, Þór mætti í Útúrdúr, Úa gerði heimalærdóminn sinn og Tinna kom stútfull af nýjum prentupplýsingum, talandi tungum sem aðeins Ámi kunni skil á, eitthvað um Bölk og afskorninga og allt fyrir utan virðisaukaskatt. Birta kom svo aftur eftir að hafa skroppið í kínverskar stungur, hún þarf að vinna í janginu en er með jingið á hreinu og eru nálastungur víst eins og lyf við kvillum nútímans. Í lok dags leit hún Ásta Ólafs við með tvo kassa af tímaritum, gömlum fundargerðum og skýrslum sem á alveg eftir að kíkja á og spurning hvað leynist í þeim bunka og hafði Ásta á orði að verkefnið væri sennilega endalaust og mikið værum við heppin að innan safnsins væru nokkrir góðir með sens fyrir þeirri þráhyggju og ástríðu sem þarf til að klára svona verkefni og tökum við undir það. Í gær kom hingað belgi með álíka passíon sem ætlar að opna framúrstefnulegt og fókuserað residensí á Þingeyri og ræddi Karlotta lengi við hann um möguleika verkefnisins og framtíðaráform, öll stjórnin er rosa heit fyrir verkefninu og sér vöfflurnar fyrir sér í hyllingum.

Karlotta mætti ekki fyrr en kl 12 og Nína var forfölluð um morguninn. Huginn hafði mætt snemma og var ásamt Birtu að gæta gersemanna þegar inn kom valsandi Frikki Þórshamar og vildi ólmur sýna nýjustu sköpun sína á striga en hann er núna ásamt Ara A. að láta sveltandi börn á Akranesi mála ramma úr tökum sínum úr búsáhaldabyltingunni á stærstu striga sem fást í Föndur og litir. Huginn ætlar að fjalla um það í beinni útsendingu á Ruv núna um helgina. Til að ballansera skynfærin eftir þessa heimsókn voru skoðuð næm og djúsí verk eftir hana Guðnýju Rósu sem Birta mun sýna á sýningu sem hún er að skipuleggja í New York. Liz listfræðingur kom og tók viðtal við Karlottu um teikninguna en hún er að vinna rannsóknarverkefni um teikninguna í íslensku samhengi. Eldri hjón frá Kanada komu og voru mjög hrifin af safninu en konan hafði verið Níels Hafstein þeirra Kanadamanna hjá Nýlói í Nýfundnalandi. Maðurinn hennar er frægur rithöfundur á bókmenntahátíð, einskonar Kristín Ómars. Niels Hafstein og Kristín Ómars á kanadísku. Maggi Jens leit við í spjall og gaman að góðum. Svo komu nokkur eftirlegulömb frá FB kúrsi sem krassaði í safninu í gær. Karlotta hafði einhvernveginn gleymt því eða misskilið heimsóknina og allt í einu fór 80 manns að streyma inn og spyrja um viðverulista og verkefnabók og Nýló breyttist í miðstöð fyrir flæðandi ungmenni í leit að list. Gurra leit líka við í gær í leit að einhverjum til að taka að sér Útúrdúr en búðin er í alvarlegri tilvistarkreppu og rétt skrimtir, það eru samt margir sem vilja berjast fyrir búðinni enda vel þess virði. Nína og Úa sátu og leystu margskonar verkefni. Stutt er í samningagerð um leigu á húsnæði, verið er að fjarlægja 40m kexofn úr nýja rýminu og finna útúr geymslumálum. Nína er líka öll að stækka og gengur með rólegu týpuna sem lætur sjá sig í oktobér, eins og glóðvolgt kex, spurning um að gera úr þessu prjojekt á nýja staðnum. Eða ekki. Hver veit samt hvað kemur útúr aðalfundinum, eru Friðrik Þórshamar og Ari A að fara að bjóða sig fram í stjórn?