Viltu vera vinur eða verndari Nýló? Vinir Nýló er hópur fólks og fyrirtæki sem styðja sérstaklega við metnaðarfulla sýningar­starfsemi og viðburðadagskrá í einu elsta listamannarekna safni og sýningarstað Íslands. Með því að sýna stuðning þinn í verki nýtist framlag þitt til að styrkja lifandi umhverfi samtímalistar og efla kjarnastarfsemi Nýló enn frekar.

Sem vinur eða verndari styður þú beint við frumsköpun og grasrót íslenskrar myndlistar. Hafir þu áhuga hvetjum við þig til að koma í heimsókn eða hafa samband í síma 551 4350 eða með því að senda bréf á nylo(hjá)nylo.is. Athygli er vakin á því að Nýlistasafnið er skráð á almannaheillaskrá og þar með eru styrktarframlög til Nýlistasafnsins frádráttarhæf (sjá nánar hér að neðan).

Ár hvert fær Nýló framúrskarandi listamann til að skapa verk í 40 eintökum, sem vinir Nýló fá í þakklætisskyni frá safninu. Fyrsti vinalistamaður safnsins var Hreinn Friðfinnsson árið 2016. Vinalistamenn Nýló eru eftirfarandi:

Vinalistamenn Nýló:

2023: Eygló Harðardóttir

2022 Melanie Ubaldo

2021 Guðjón Ketilsson

2019/2020 Arna Óttarsdóttir

2018 Unndór Egill Jónsson

2017 Anna Júlía Friðbjörnsdóttir

2016 Hreinn Friðfinnsson

Vinur

Vinur styrkir Nýlistasafnið um 80.000 krónur árlega.
Tilvalið fyrir safnara og hvern þann sem lætur sig listir og menningu varða.

— Vinir fá nýjasta listaverkið úr vinaröð Nýló, áritað og númerað 

— Einkaleiðsögn á allar sýningar safnsins.

— Boð á viðburð í Nýló þar sem við skálum saman þegar nýr vinalistamaður næsta árs hefur verið valinn og vinaverk Nýló er afhjúpað.

— Möguleiki á að eignast fyrri verk úr vinaröð Nýló á sérstökuvinaverði.

Verndari

Verndari styrkir Nýlistasafnið að lágmarki um 250.000 á ári.

 Tilvalið fyrir gjafmilda sem vilja deila upplifun sinni í Nýló með öðrum, sérstaklega fyrirtæki eða félagasamtök. 

— Verndarar fá nýjasta listaverkið úr vinaröð Nýló, áritað og númerað

— Boð á sýningar og viðburði Nýlistasafnsins

— Möguleiki á leiðsögn fyrir starfsmenn fyrirtækis á eina af sýningum Nýlistasafnsins

— Boð á viðburð í Nýló þar sem við skálum saman þegar nýr vinalistamaður næsta árs hefur verið valinn og vinaverk Nýló er afhjúpað.

— Möguleiki á að eignast fyrri verk úr vinaröð Nýló á sérstöku vinaverði.

Nýlistasafnið hefur verið skráð á almannaheillaskrá Skattsins og með því skapast tækifæri fyrir þau sem styrkja safnið, fyrirtæki og einkaaðila, að telja fram styrk til lækkunar á útsvars- og tekjuskattstofni. Frádráttur einstaklinga getur verið á bilinu 10-350 þúsund kr á almanaksári, hjóna og sambúðarfólk allt að 700 þúsund og atvinnurekstraraðilar geta dregið 1,5 % frá skattskyldum tekjum. Móttakendur gjafa og framlaga, sem skráðir eru á sérstaka almannaheillaskrá, þurfa að gefa út kvittun við móttöku þar sem m.a. kemur fram nafn og kennitala gefanda og fjárhæð framlags.

Nýlistasafnið er í samstarfi við ríki og Reykjavíkurborg til að standa straum af kostnaði vegna grunnreksturs safnsins. Sýningarhald og viðburðadagskrá er haldið til með framlögum fulltrúa safnsins, styrkumsóknum í ýmsa sjóði, frjálsum framlögum og vinum Nýló.